«Бестөбе орта мектебі мектепке дейінгі шағын орталығымен» КММ  бойынша  1 қыркүйек – Білім  күніне орай  «Мектебім – мейірім мекені!» атты  салтанатты  шара  болып өтті. Жылдағы әдет бойынша ҚР мемлекеттік әнұраны орындалып, мемлекеттік туымыз құрметпен кіргізілді. Алғашқы сөз кезегі мектебіміздің директоры Әлиев Бақберген Төлендіұлына берілді. Ата-аналар, келген қонақтар, оқушылар, мектеп ұжымының алдында өткен жылда оқушылар мен мұғалімдердің жеткен жетістіктері туралы және жаңа оқу жылында атқарылатын іс-шаралар туралы толық баяндады. 

      Алғашқы қоңырау мерекесі барысында мектеппен сағына қауышқан оқушылар жиналған халық алдында өз өнерлерін көрсетті. Бастауыш сынып оқушылары өз әндерін арнап жаңа оқу жылына үлкен қызығушылықпен қадам басты. 

      Іс-шарамызға ардагер ұстаздарымыз Тәжібаев Есмағанбет, Умбеталиева Сұлухан, Әлиева Базархан қатысып, жүрек жарды ақ тілектерін білдірді.

      Қоңырауды сыңғырлата келген, ақ ниеттерімен мектеп табалдырығын аттаған 1- сынып оқушыларымыз өз сынып жетекшілерімен дайындаған алғашқы өлең шумақтарын айтты. Балаларының қуанышына келген ата- аналарға да сөз берілді. 

     Іс-шара соңында ҚР мемлекеттік туы ортадан шығарылып, әнұран орындалдып мереке өз мәресіне жетті. 

      1 қыркүйек Білім күніне орай сынып жетекшілері оқушыларымен тәрбие сағаттарын өткізумен жалғастырды.

     «Бестөбе  орта   мектебі   мектепке  дейінгі   шағын  орталығымен» коммуналдық  мемлекеттік    мекемесі  бойынша  1 қыркүйек –Білім  күніне   орай «Сыңғырла,  алғашқы  қоңырау!» атты  салтанатты   шара  болып  өтті.         Бірінші сынып оқушылары үшін алғашқы қоңырауға арналған  әдеби   монтаждары, өлендері   өнерлері  тамашаланып, салтанатты шарада «Әліппе» алғашқы оқулығын   табыстаумен санитарлық нормаларды сақтай отырып, таза ауада, мектеп ауласында өткізілді. Іс-шараға және   тәрбие  сағатына бір  ата-анадан   қатыстырылды. 2-11 сыныптарда 1 қыркүйекте Білім күніне арналған Қазақстан Республикасы Тәуелсіздігінің 31 жылдығына орай «Тәуелсіздік жетістіктері», «Кел,  балалар,  оқылық!», «Тәуелсіздік жылдарындағы  жетістіктер»,  «Елімнің   бақытын  тербеткен  Тәуелсіздікке – 31 жыл» тақырыптарында сынып сағаттары өткізілді. Сынып сағаттары әр сынып үшін жеке кабинеттерде санитарлық талаптарға  сай  жүргізілді.

Қазақстан Республикасы Тәуелсіздігінің 31 жылдығы аясында  мемлекетіміздің даму тарихы, жеткен жетістіктері  туралы  отандық телеарналар, видеоматериалдар мен ресми ақпараттар әзірленіп, мектеп   оқушыларына ел тәуелсіздігінің қадір-қасиетін ұғындырып, олардың бойында  патриоттық сезім қалыптастыруда, дамытуға зор маңызға ие болды.

Материалдар мазмұны бойынша Елбасы, Қазақстанның Тұңғыш Президенті Н.Ә.Назарбаевтың  еліміздің тәуелсіздігін нығайту жолындағы тарихи рөлі, көреген саясаты және жасампаз қызметі туралы, Қазақстанның өсіп-өркендеуі жолындағы аса ірі оқиғалар мен мемлекет тарапынан атқарылған іс-шаралар, еліміздің егемендігі мен біртұтастығының басты атрибуттары туралы, Түркістанның қазіргі жаңа келбеті және оның болашағы туралы, туған жердің қадір-қасиеті туралы  бағыттарды қамтыды.

Түсіндіру жұмысын жүргізу, жаңа оқу жылында оқушыларды оқытудың ерекшеліктері туралы ақпараттандыру, жаңа жағдайда оқытудағы мектеп және отбасының өзара іс-қимылын анықтау мақсатында «Жаңа оқу жылындағы оқу процесін ұйымдастырудың ерекшеліктері» тақырыбында ата-аналар жиналысын онлайн форматта өткізілді. Ата-аналарға оқу жылындағы оқыту форматына байланысты, әр білім мекемесінің дайындығы туралы барлық сұрақтарына жауап берілді.

Сонымен қатар оқушылар мектеп формасымен талапқа сай қою түсті киіммен және классикалық үлгіде келуін қамтамасыз етілді. 1 қыркүйек  Білім күні «Сыңғырла,  алғашқы  қоңырау!» атты іс-шара талапқа сай ұйымдастырылып өткізілді. 

        Қазақстан Республикасы Төтенше жағдайлар  министрлігінің «2021 жылғы шомылу маусымы кезеңіндегі қауіпсіздік шаралары туралы»№150 бұйрығын Алматы облысы Білім басқармасынының Кеген ауданы бойынша білім бөлімінің №40 бұйрығын басшылыққа ала отырып ,іс-шара жоспары жасалынып бекіттірілді. Жүзуге оқытуды ұйымдастыру бойынша дене тәрбиесі мұғалімдері сыныптар арасында түсіндірме жұмыстары жүргізіліп  «Шомылу маусымы кезіндегі қауіпсіздік» тақырыбында  теориялық сабақтар өтті.