9-11 сынып білім алушыларын қорытынды аттестацияға дайындау жұмыстары жүргізіліп отыр. Облстық, аудандық бұйрықтарды басшылыққа ала отырып мектепшілік бұйрық шығарылып, жоспары жасалынды.  Қорытынды аттестацияға кіретін пәндерден қосымша сабақ жоспары жасалынып,қосымша сабақ өткізілуде.

        Қазақстан Республикасы Төтенше жағдайлар  министрлігінің «2021 жылғы шомылу маусымы кезеңіндегі қауіпсіздік шаралары туралы»№150 бұйрығын Алматы облысы Білім басқармасынының Кеген ауданы бойынша білім бөлімінің №40 бұйрығын басшылыққа ала отырып ,іс-шара жоспары жасалынып бекіттірілді. Жүзуге оқытуды ұйымдастыру бойынша дене тәрбиесі мұғалімдері сыныптар арасында түсіндірме жұмыстары жүргізіліп  «Шомылу маусымы кезіндегі қауіпсіздік» тақырыбында  теориялық сабақтар өтті.

 Ауылымызға 3,5 шақырымда орналасқан «Бестөбе»  жасанды су қоймасының болуына байланысты су бойына   адамдардың суға шомылуға болмайтыны жайында ескертпе қойылды. 

Ұлы Отан соғысы, оның зардаптары, Ұлы Жеңіс туралы мағұлмат беру. Отан үшін жан қиған аталар мен апалардың, соғыстан оралған, қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге тәрбиелеу.

Жеңіс деген жақсылықтың сыңары, Жігер менен құштарлықтың құралы. Күрескердің арманы мен ұраны, Қуаныш пен мерекенің бұлағы.

Әрқайсымыз үшін жақын әрі қымбат мереке Жеңіс күні де келіп жетті. Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан бұл күннің маңызы өте жоғары. Жеңіс үшін шыбын жандарын құрбан еткен бірнеше миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды.

Оқушылардың бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Мақсаты: Оқушылардың санасына қоршаған ортаға туған өлке табиғатына деген сүйіспеншілікті және табиғат құбылысында болатын амалдар туралы түсінік қалыптастыру. Туған жерді, қоршаған ортаны сүюге, қорғай білуге тәрбиелеу. Шығармашылық қабілеттерін жақсылық жасай білу іскерліктерін, ойлау қабілетін дамыту, өз ойын еркін жеткізе білуге дағдыландыру.

Дене шынықтыру пәні  мұғалімдері күнделікті  7:30 да мектеп ауласында таңғы жаттығу жұмыстарын жасайды . 

Жақсылық пен мейірім» аясында ерікті жастар Шыбышы ауылындағы  зейнеткер қариялардың тұрғылықты мекен-жайларына арнайы барып, қолдау-көмек көрсетеді. Бұл ізгі шараның басты мақсаты – жастар арасында еріктілер қозғалысын жандандыру, адамгершілік қасиеттер мен рухани құндылықтарды насихаттап,  ұрпақтар сабақтастығын дамыту.